Мемлекеттік қызметшінің санаты Е-3
Лауазымдық жалақысы еңбек сіңірген жылдарына байланысты: 112730 — 152017

Ақтөбе қаласы әкімі аппаратының, қалалық мемлекеттік мекемелердің және қалалық аудандар әкімі аппараттарының мемлекеттік қызметшілері арасында бос мемлекеттік әкімшілік лауазымға орналасуға ішкі конкурс туралы хабарландыру

«Ақтөбе қаласы әкімінің аппараты» ММ, 030002, Ақтөбе қаласы, Т.Ахтанов көшесі, 50, анықтама үшін телефоны: 8(7132)416354, факс: 8(7132)416353, e-mail:  u.erzhanova@aktobe.gov.kz, мемлекеттік қызметшілер арасында «Б» корпусының мемлекеттік әкімшілік лауазымына орналасуға ішкі конкурс жариялайды:

Ақтөбе қаласы әкімі аппаратының бас инспектор-кәмелетке толмағандардың құқығын қорғау жөніндегі комиссияның хатшысы, санаты Е-3, 1 бірлік, №01-4.
Лауазымдық жалақысы еңбек сіңірген жылдарына байланысты 112730  теңгеден  152017 теңгеге дейін.  
Функционалдық міндеттері:
кәмелетке толмағандардың және жасөспірімдер арасында қадағалаусыздық, алкоголизм, наркомания және құқық бұзушылықтың алдын алу және ескерту іс-шараларын ұйымдастыру, кәмелетке толмағандардың құқық бұзушылық ісін қарау, кәмелетке толмағандар ісі жөніндегі комиссияны жүргізу, арнаулы оқу-тәрбие мекемелерінде тәрбие жұмыстарын жүргізу және ұстау мәселелеріне бақылау жасау, «қиын» балалармен қаладағы мектептерде және оқу орындарында тәрбие жұмыстарын өткізу, басшылық жүктеген басқа да өкілеттіліктерді жүзеге асыру.     

Конкурсқа қатысушыларға қойылатын талаптар:

Білімі мен мамандығы бойынша талаптар:
жоғары немесе жоғары оқу орнынан кейінгі құқық, білім, гуманитарлық ғылымдар, әлеуметтік ғылымдар, экономика және бизнес (әлеуметтану, саясаттану, психология, мемлекеттік және жергілікті басқару, экономика, менеджмент).

Қажетті құзыреттер бойынша талаптар:
мынадай құзыреттердің бар болуы: стресске орнықтылық, бастамашылдық, жауапкершілік, қызметті тұтынушыға және оны хабарландыруға бағдарлану, адалдық, ынтымақтастық және әрекеттестік, қызметті басқару, шешім қабылдау, көшбасшылық.

Жұмыс тәжірибесі бойынша талаптар:
жұмыс тәжірибесі келесі талаптардың біріне сәйкес болуы тиіс:

1) мемлекеттік қызмет өтілі бір жылдан кем емес;

2) осы санаттағы нақты лауазымның функционалдық бағыттарына сәйкес салаларда жұмыс өтілі екі жылдан кем емес;

3) Қазақстан Республикасы Парламентінің депутаты мәртебесінде немесе тұрақты негізде қызмет ететін облыс, республикалық маңызы бар қала, астана, аудан (облыстық маңызы бар қала) мәслихатының депутаты мәртебесінде немесе халықаралық қызметкер мәртебесінде қызмет өтілі бір жарым жылдан кем емес;

4) мемлекеттік қызмет өтілі екі жылдан кем емес, оның ішінде құқық қорғау немесе арнайы мемлекеттік органдарының орталық, облыстық, қалалық немесе аудандық деңгейдегі немесе Қарулы Күштер әскери басқару органдарының тактикалық деңгейінен төмен емес, жергілікті әскери басқару органдарының немесе әскери оқу орындарының лауазымдарында екі жылдан кем емес;

5) жоғары және жоғары оқу орындарынан кейінгі білім бағдарламалары бойынша Қазақстан Республикасының Президенті жанындағы білім беру ұйымдарында немесе шетелдің жоғары оқу орындарында Республикалық комиссия бекітетін басым мамандықтар бойынша оқуды аяқтауы;

6) ғылыми дәрежесінің бар болуы.

Конкурсқа қатысу үшін қажетті құжаттар мен қосымшалар

Кандидаттарды іріктеу нәтижелері
26.12.2019
Әңгімелесуге жіберілген кандидаттар тізімі
24.12.2019